நீங்கள் தேடியது "சிவகங்கை சம்பவம்"

கரூர்:

சிவகங்கை மாவட்டம் திருப்பாசேத்தி கச்ச நேத்தம் கிராமத்தில் ஒரு சமூகத்தை சேர்ந்த 3 பேர் வெட்டி படுகொலை செய்யப்பட்டனர். இதனை கண்டித்து புதிய தமிழகம் கட்சியின் கரூர் மாவட்டம் சார்பில் கரூர் ஆர்.எம்.எஸ். அலுவலகம் முன்பு கண்டன ஆர்ப்பாட்டம் நடந்தது. மாவட்ட செயலாளர் பி. அசோகன் தலைமை தாங்கினார். 

மாவட்ட துணை செய லாளர் தினேஷ்குமார், நகர செயலாளர் பூபதி, ராஜே ந்திரன், ஒன்றிய செயலாளர் ராமச்சந்திரன் மற்றும் திரளானோர் பங்கேற்றனர். இதில் கண்டன கோஷங்கள் எழுப்பப்பட்டன. 

மேலும் கொலையாளிகளை உடனே கைது செய்து நடவடிக்கை எடுக்க வேண்டும் என வலியுறுத்தப்பட்டது.

திருச்சி:

சிவகங்கை  மாவட்டத்தில் தலித் சமுதாயத்தை  சேர்ந்தவர்  2  பேர் படுகொலை செய்யப்பட்டதை கண்டித்து இன்று காலை திருச்சி சமயபுரம் அருகே உள்ள நெ.1 டோல்கேட்டில் புதிய தமிழகம் கட்சி சார்பில் கண்டன ஆர்ப்பாட்டம் நடைபெற்றது. ஆர்ப்பாட்டத்திற்கு வடக்கு மாவட்ட செயலாளர் ஐயப்பன் தலைமை தாங்கினார்.

இதில் நிர்வாகிகள் கூத்தூர் பாலு,  அசோக்,  நம்பிராஜ், அசாக்குமார் உள்பட 100-க் கும்  மேற்பட்டோர் கலந்து கொண்டனர். ஆர்ப்பாட்டம் குறித்து தகவல் அறிந்ததும் போலீசார் சம்பவ இடத்திற்கு விரைந்து சென்று பேச்சுவார்த்தை நடத்தினர். ஆனால் புதிய தமிழகம் கட்சியினர் கலைந்து செல்லாமல் தொடர்ந்து  ஆர்ப்பாட்டத்தில் ஈடுபட்டனர். இதனால் போலீசுக்கும், ஆர்ப்பாட்டகாரர்களுக்கும் இடையே தள்ளுமுள்ளு ஏற்பட்டது. இதைத்தொடர்ந்து போலீசார் ஆர்ப்பாட்டத்தில் ஈடுபட்ட 100-க்கும் மேற்பட்ட டோரை கைது செய்தனர்.  

இதேபோல் திருச்சி சத்திரம் பஸ் நிலையம் அண்ணா சிலை அருகே திருச்சி தெற்கு மாவட்ட புதிய தமிழகம் கட்சி சார்பில் ஆர்ப்பாட்டம் நடைபெற்றது. ஆர்ப்பாட்டத்திற்கு தெற்கு மாவட்ட செயலாளர் வக்கீல் சங்கர் தலைமை தாங்கினார். இதில் புதிய தமிழகம் கட்சியை சேர்ந்த ஏராளமானோர் கலந்து கொண்டனர்.